У Літве злавілі беларуса з кантрабанднымі цыгарэтамі на 2 млн еўра

У Літве злавілі грамадзяніна Беларусі з кантрабанднымі цыгарэтамі на 2 млн еўра. Паводле дакументаў ён вёз транзітам у Польшчу груз матэрыялу для дахаў. Як паведамляе літоўская Мытная крымінальная служба, насамрэч ён быў толькі ў задняй частцы цягача-паўпрычэпа. Далей мытнікі знайшлі кантрабандныя цыгарэты беларускай вытворчасці.

Грузавік літоўцы аглядалі ў пункце пропуску "Лаварышкес" (на беларускім баку — "Катлоўка"). Аўтамабіль затрымалі, а кіроўцу адпусцілі пад падпіску пра нявыезд. Праводзіцца расследаванне.

Сёлета ў сакавіку ў Літве затрымалі найбольшую за апошнія гады кантрабанду цыгарэт з Беларусі. Яе кошт ацанілі на суму каля 4 мільёнаў еўра.