У Малдове праходзяць выбары ў парламент

Сёння ў Малдове праходзяць выбары дэпутатаў парламента. У краіне аднапалатны парламент, які абіраецца па партыйных спісах.
Сёлета ў бюлетэні для галасавання ўключана 17 канкурэнтаў — 12 партый і пяць незалежных кандыдатаў, перадае “Інтэрфакс”.

Пасля прызнання выбараў новы парламент абярэ прэзідэнта краіны і сфармуе ўрад. Паўнамоцтвы дзейнага кіраўніка дзяржавы Ўладзіміра Вароніна заканчваюцца 7 красавіка. Больш ён не мае права балатавацца на гэту пасаду, паколькі быў прэзідэнтам два тэрміны.