У Маскве пройдзе пасяджэнне міжурадавага савету ЕАЭС
![У Маскве пройдзе пасяджэнне міжурадавага савету ЕАЭС](/sites/default/files/styles/gallery_main/public/2023-08/eaes_3.jpg.webp?itok=HRhRsEsf)
Пасяджэнне Еўразійскага міжурадавага савета з удзелам прэм’ер-міністраў краін ЕАЭС адбудзецца сёння. 13 красавіка ў Маскве. Як перадае БЕЛТА са спасылкай на Еўразійскую эканамічную камісію, на пасяджэнні плануецца разгледзіць шырокі спектр пытанняў, звязаных з інтэграцыяй у рамках ЕАЭС.
Будуць абмяркоўвацца захады па павышэнні ўстойлівасці эканомікі дзяржаў — чальцоў ЕАЭС. Сярод іншага прэм’ер-міністры маюць намер ухваліць праект канцэпцыі фармавання агульных рынкаў нафты і нафтапрадуктаў ЕАЭС. Таксама плануецца зацвердзіць палажэнне аб фармаванні і функцыянаванні еўразійскіх тэхналагічных платформаў і канцэпцыі стварэння Еўразійскага інжынірынгавага цэнтру. Разгледзяць і пытанні, звязаныя з заключэннем пагаднення аб гандлёва-эканамічным супрацоўніцтве паміж ЕАЭС і Кітаем.