У Мінску пасажыраў вёз п'яны кіроўца маршрутнага таксі (відэа)
Яго сёння затрымалі аўтаінспектары. Здарэнне адбылося ў Першамайскім раёне сталіцы.
Як паведамляе тэлеканал "Беларусь 1", супрацоўнікі ДАІ спынілі мікрааўтобус Mercedes, у якім пасажыраў перавозілі з парушэннямі правілаў — людзі ехалі стоячы, прычым колькасць пасажыраў была перавышана. Гэта і прыцягнула ўвагу інспектараў. Пры размове з кіроўцам узнікла падазрэнне, што той п'яны.
Спачатку вадзіцель адмаўляўся даваць якія-небудзь паказанні. Аднак пазней мужчына прызнаўся, што піў піва.
Здымак з архіву. Фота — bymedia.net
