У Салігорску хлопец ішоў з БЧБ-сцягам да будынку суда — яго затрымалі
Хлопец з БЧБ-сцягам ідзе па Салігорску / САЛІГОРСК.org
Раніцай 15 лістапада пратэстныя акцыі пачаліся не толькі ў Мінску, але і ў Маладзечне, Жодзіна, Салігорску. Усе пратэстуюць па-рознаму, ніякага адзінага пляну няма.
У Салігорску хлопец узяў бел-чырвона-белы сцяг і пайшоў з ім да будынка суда. Яго амаль адразу ж затрымалі. У Парку чатырох стыхій чацвёра сілавікоў узялі яго на рукі і проста знеслі.
САЛІГОРСК.org даведаўся, што хлопца зваць Руслан Акостка. Ён жыве ў вёсцы Заўшыцы Салігорскага раёна.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
