У сераду ўначы будзе да -23
У сераду, 22 снежня, у Беларусі прагназуецца воблачнае з праясненнямі надвор'е, паведамляе Белгідрамет.
Месцамі чакаецца невялікі снег, на асобных участках дарог — галалёдзіца. Вецер будзе паўночна-заходні ўмераны.
Уначы тэрмометры пакажуць 11-17 ніжэй за нуль, пры праясненнях чакаецца -18...-23, па паўднёвым захадзе будзе 8-10 марозу. Удзень прагназуецца ад -5 па захадзе да -12 па ўсходзе краіны.
