Вікторыю Азаранку і Максіма Мірнага намалююць на марках
Маркі з серыі "Лідары беларускага тэнісу" выйдуць у абарачэнне 14 жніўня.
Як паведамляе агенцтва "Мінск-Навіны", маркі будуць называцца "Тэніс. Вікторыя Азаранка" і "Тэніс. Максім Мірны". Кожная з іх аддрукаваная накладам у 60 тысяч асобнікаў. Маркі друкаваліся з эмблемай Беларускай тэніснай федэрацыі.
Нагадаем, Вікторыя Азаранка і Максім Мірны — алімпійскія чэмпіёны 2012 года ў змяшаным разрадзе.
У дзень выпуску марак у абарачэнне на сталічным паштамце будзе праводзіцца адмысловае гашэнне на канверце "Першы дзень".
Фота — minsknews.by
