Wi-Fi у Беларусі змогуць падаваць усе інтэрнэт-правайдэры

Паслугу бяздротавага шырокапалоснага доступу ў інтэрнэт па тэхналогіі Wi-Fi у Беларусі змогуць падаваць усе правайдэры.
Такое рашэнне было прынята на пасяджэнні Дзяржаўнай камісіі па радыёчастотах пры Савеце Бяспекі. Яно будзе дзейнічаць да 31 снежня 2013 года, паведамляе БЕЛТА.

У цяперашні час толькі нацыянальны аператар электрасувязі "Белтэлекам" падае паслугі бяздротавага доступу ў інтэрнэт. Кампанія ўжо арганізавала ў Беларусі больш за 210 кропак доступу.