Яўген Грышкавец: з ЖЖ скончана!
Знакаміты пісьменнік, драматург і акцёр Яўген Грышкавец закрывае свой ЖЖ, паведамляецца ў 528 пасце яго блога, які павінен стаць апошнім.
Па словах пісьменніка, ён пакідае ЖЖ і блогасферу назаўсёды. Грышкавец падкрэслівае, што рашэнне гэта не эмацыйны парыў, а добра абдуманы ўчынак.
Адгэтуль Грышкавец плануе пісаць “пра рэчаіснасць” на ўласным сайце Odnovremenno.ru. “Мясцовая маленькая мая прастора будзе тэхнічна развівацца, будзе відазмяняцца і будзе зручнейшай для карыстання”, - паведамляецца на новым сайце пісьменніка.
ЖЖ-юзер e-griskovets мае больш за 44 тысячы сяброў. У рэйтынгу папулярнасці LiveJournal блог Грышкаўца знаходзіцца на трэцім месцы, саступаючы толькі Арцемію tema Лебедеву і Рустэму drugoi Адагамаву.
ЖЖ Яўгена Грышкаўца неаднаразова станавіўся пляцоўкай для гарачых дыскусій у каментарыях, бо аўтар блога дазваляў сабе досыць рэзкую крытыку ў адрас папулярных медыйных персанажаў, такіх як спявачка Алена Ваенга або камічны тэатр “Квартэт І”.
Паводле lenta.ru
Фота: www.liveinternet.ru
