За мінулы год сілавікі канфіскавалі ў перавозчыкаў 280 транспартных сродкаў
Супрацоўнік ДПС правярае дакументы ў кіроўцы маршрутнага таксі / sb.by
За мінулы год сілавікі канфіскавалі ў перавозчыкаў у Беларусі каля 280 транспартных сродкаў. Пра гэта піша sb.by. Большасць канфіскаваных машын (149) — гэта маршруткі. Акрамя таго, былі канфіскаваныя 128 аўтамабіляў таксі і 3 турыстычныя аўтобусы.
У Мінску і вобласці з пачатку гэтага года канфіскавалі ўжо 49 транспартных сродкаў, у тым ліку 33 аўтамабілі таксі і 16 маршрутак.
Кантроль за перавозчыкамі ўзмацнілі пасля аварыі з удзелам маршруткі, якая адбылася ў лютым 2023 года пад Смалявічамі. У ДТЗ загінулі 13 чалавек (11 памерлі на месцы, двое — пазней у шпіталі). Пасля гэтага былі арганізаваныя шматлікія рэйды. Пра першую канфіскаваную за парушэнні маршрутку стала вядома ўжо ў красавіку 2023 года.
