Журналістку TUT.by Адар'ю Гуштын дапытвалі ў ДФР 10 гадзін
Журналістку партала TUT.by Адар'ю Гуштын дапытвалі ў Дэпартаменце фінансавай разведкі амаль 10 гадзін. Адпусцілі яе пасля 20:00.
"На свабодзе!" — напісаў у Фэйсбуку яе муж, галоўны рэдактар "Нашай Нівы" Ягор Марціновіч.
Допыты супрацоўнікаў TUT.by працягваюцца з 18 траўня, калі ў офісе і на кватэрах адбыліся ператрусы. Практычна ўсё кіраўніцтва кампаніі ўзятае пад варту. Паведамлялася, быццам кампанію падазраюць у нявыплаце падаткаў.
