Зімоўскі: Гарбачоў спрабаваў умяшацца ва ўнутрырэдакцыйную палітыку

Старшыня Белдзяржтэлерадыёкампаніі Аляксандр Зімоўскі пракаментаваў Еўрарадыё сваю адмову прадастаўляць прадпрымальнікам прамы эфір.
Паводле яго слоў, падобнае “патрабаванне” парушае “Закон аб друку”. Каму даваць эфір і што паказваць — вырашае рэдакцыя.

“Гэта называецца спроба ўмяшання ва ўнутрырэдакцыйную палітыку. Спадар, які напісаў мне ліст, з’яўляецца асобай прыватнай, таму адказваў я яму як прыватнай асобе. Ніякіх юрыдычных сведчанняў, што ён прадстаўляе ўсіх прадпрымальнікаў або хаця б трох прадпрымальнікаў, у мяне няма… Указ набыў моц! Чаго абмяркоўваць?! Яго трэба выконваць!”