Зяленскі гаварыў з пантыфікам пра вяртанне ўкраінцаў з расійскага палону
Уладзімір Зяленскі і Папа Рымскі Францішак / t.me/V_Zelenskiy_official/
11 кастрычніка ўкраінскі прэзідэнт Уладзімір Зяленскі сустрэўся ў Ватыкане з Папам Рымскім Францішкам. Ён гаварыў з пантыфікам найперш пра вяртанне ўкраінцаў з расійскага палону. Зяленскі згадаў пра ўкраінскую журналістку Вікторыю Рошчыну, пра смерць якой у Расіі стала вядома напярэдадні.
У турмах і лагерах у РФ па-ранейшаму знаходзіцца шмат цывільных украінцаў, а сярод іх і дзеці. Прэзідэнт Украіны разлічвае на садзейнічанне Ватыкана "вяртанню дадому захопленых у расійскі палон украінцаў".
