Ціханоўская абмеркавала з кіраўніцай Еўракамісіі праблемы легалізацыі беларусаў
![Святлана Ціханоўская і Урсула фон дэр Ляен](/sites/default/files/styles/gallery_main/public/2024-03/223344.jpg.webp?itok=7M7g2PxN)
Святлана Ціханоўская і Урсула фон дэр Ляен / twitter.com/Tsihanouskaya
Святлана Ціханоўская абмеркавала з кіраўніцай Еўракамісіі Урсулай фон дэр Ляен праблемы легалізацыі беларусаў у ЕС. Кароткая сустрэча адбылася ў Бухарэсце на Кангрэсе Еўрапейскай народнай партыі, паведамляе "Позірк".
Кіраўніца Аб'яднанага пераходнага кабінета Беларусі таксама выказала спадзяванне, што кіраўніцтва ЕС працягне падтрымку беларускай грамадзянскай супольнасці і ціск на рэжым Аляксандра Лукашэнкі для вызвалення палітвязняў і процідзеяння расійскай агрэсіі.
Папярэдні раз Ціханоўская сустракалася з Урсулай фон дэр Ляен у кастрычніку мінулага года.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.