Эксперты патлумачылі заяву Лукашэнкі пра нафтапрадукты для Украіны
4 жніўня адбылася тэлефонная размова Аляксандра Лукашэнкі і Пятра Парашэнкі.
Асаблівая ўвага была нададзена тэме паставак нафтапрадуктаў з Беларусі ва Украіну. Лукашэнка адзначыў, што, нягледзячы на ўнутраныя патрэбы, наша краіна дапаможа Украіне ў забеспячэнні яе эканомікі нафтапрадуктамі.
Эксперты, якіх апытала РІА "Новости", перакананыя, што гаворка не ідзе пра павелічэнне паставак ва Украіну, а хутчэй пра выкананне беларускім бокам кантрактных абавязацельстваў. Тэлефоннай размове кіраўнікоў Беларусі і Украіны папярэднічала паведамленне спецэкспарцёра нафтапрадуктаў "Беларускай нафтавай кампаніі" ўкраінскаму боку пра немагчымасць выканання ў жніўні дамоваў аб пастаўках паліва ў поўным аб'ёме.
Як вядома, Украіне на год патрэбныя 10 мільёнаў тон нафтапрадуктаў. Беларусь пастаўляе прыкладна 4-4,5 млн тон з гэтага аб'ёму (бензін — каля 1,5 млн тон, дызельнае паліва — 2,5 млн тон).
Фота — ria.ru