Еўракамісія патрабуе вызваліць і рэабілітаваць усіх палітвязняў
Еўракамісія прыняла да ўвагі вызваленне Змітра Дашкевіча і чакае вызвалення іншых палітвязняў.
Пра гэта прадстаўнік еўракамісара Штэфана Фюле Пітэр Стано заявіў у інтэрв'ю Радыё "Свабода".
Стано адзначыў, што прысуд Дашкевічу быў несправядлівы, непрымальны і палітычна матываваны. "Мы настойваем, што Беларусь павінна неадкладна вызваліць усіх палітычных вязняў і рэабілітаваць іх, незалежна ад працягласці тэрмінаў іх зняволення", — адзначыў прадстаўнік Еўракамісіі.
