Хулігана, які скакаў праз Вечны агонь, чакае крымінальны суд
У сваёй біяграфіі ён ужо меў судзімасць — таксама за хуліганства.
Пракуратура Партызанскага раёна Мінска распачала крымінальную справу ў дачыненні 26-гадовага мінчаніна, які скакаў ля Вечнага агню на плошчы Перамогі. Маладому чалавеку інкрымінуюць злоснае хуліганства, паведамляе БелаПАН.
Як паведамлялася раней, увечары 5 красавіка супрацоўнікі АМАПа затрымалі маладога чалавека без верхняй вопраткі, які скакаў праз Вечны агонь каля манументу Перамогі.
Затрыманы патлумачыў, што замёрз і такім чынам вырашыў сагрэцца.
Фота: 5min.by
