Латушка заклікаў пазбягаць месцаў масавага збору людзей у Беларусі
Павел Латушка
Кіраўнік НАУ Павел Латушка заклікаў "беларусаў і беларусак, якія знаходзяцца ў Беларусі і Расеі, пазбягаць месцаў масавага збору людзей, у тым ліку гандлёвых і забаўляльных цэнтраў".
Заклік Латушкі прагучаў пасля трагедыі, якая адбылася ў маскоўскім клубе "Крокус Сіці Хол", дзе невядомыя расстралялі наведвальнікаў канцэрта. Паведамлялася, што ўжо загінула як мінімум 40 чалавек і сто атрымалі раненні.
Латушка звярнуў увагу, што раней заходнія разведкі папярэджвалі пра магчымыя тэракты на тэрыторыі Расіі. Таксама ён згадаў "прапагандысцкія заявы Лукашэнкі пра пагрозу "аперацый пад чужым сцягам" і пра тое, што ягоны рэжым праводзіць цяпер "праверку боегатоўнасці".
