Лукашэнка сустрэнецца з Пуціным, пагавораць пра інтэграцыю
Сустрэча кіраўнікоў Беларусі і Расіі адбудзецца ў Маскве.
24-25 снежня кіраўнік Беларусі прыме ўдзел у паседжаннях Вышэйшага еўразійскага эканамічнага савета і Вышэйшага дзяржаўнага савета Саюзнай дзяржавы.
Як адзначае прэс-служба расійскага прэзідэнта, Аляксандр Лукашэнка і Уладзімір Пуцін возьмуць удзел у паседжанні Вышэйшага дзяржаўнага савета 25 снежня. Аднак у іх будзе і асобная сустрэча.
Мяркуецца, што Лукашэнка і Пуцін разгледзяць "асноўныя пытанні расійска-беларускага інтэграцыйнага супрацоўніцтва, перспектывы далейшага паглыблення гандлёва-эканамічных і культурна-гуманітарных сувязяў", інфармуе РІА "Новости".
Нагадаем, днямі Аляксандр Лукашэнка наведаў Сочы, дзе праінспектаваў алімпійскія аб'екты, якія будавалі беларусы.
Фота — ria.ru
