МНС: прычынай выбуху ў мінскай кватэры магло быць самаробнае прыстасаванне
![МНС: прычынай выбуху ў мінскай кватэры магло быць самаробнае прыстасаванне](/sites/default/files/styles/gallery_main/public/2023-08/mchs_23_08.png.webp?itok=59Vpy-Cu)
У кватэры на вуліцы Гамарніка, дзе напярэдадні адбыўся выбух, выяўленыя часткі самаробнага прыстасавання. Разгерметызацыя гэтай прылады магла прывесці да ўспышкі пароў некаторых рэчываў, паведамляе прэс-служба МНС.
Як распавядала Еўрарадыё, выбух у мінскай кватэры адбыўся 23 жніўня. Папярэдне прычынай называлася ўспышка газу. Пажару не адбылося, але мэбля на кухні была пашкоджаная. Дактары шпіталізавалі гаспадыню і яе мужа.
Ратавальнікі не выявілі адхіленняў у апорных канструкцыях і элементах.
Міліцыя праводзіць праверку.
Милиция и МЧС в квартире на ул.Гамарника обнаружили предметы от самодельного устройства, разгерметизация которого могла привести к вспышке паров каких-либо веществ. @112MINSK проверили жилье для проживания- несущие конструкции и элементы не нарушены.Милицией проводится проверка
— МЧС Минска (@112MINSK) August 24, 2021
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.