МЗС Брытаніі адмаўляе, што спецслужбы збіралі звесткі пра суграмадзян
Абвінавачванні брытанскіх разведслужбаў у незаконным зборы звестак з выкарыстаннем сакрэтнай амерыканскай тэхналогіі PRISM беспадстаўныя.
Такую заяву зрабіў міністр замежных спраў Вялікабрытаніі Уільям Хэйг падчас выступу перад парламентам, перадае РБК са спасылкай на Sky News.
Гаворка ідзе пра абвінавачванні на адрас Цэнтра ўрадавай сувязі Вялікабрытаніі. Мяркуецца, што ён валодае доступам да PRISM з 2010 года. Па словах Хэйга, усе звесткі пра грамадзян Злучанага Каралеўства, атрыманыя з ЗША, адпавядаюць брытанскаму заканадаўству.
Нагадаем, у чэрвені ў амерыканскай прэсе былі апублікаваны журналісцкія расследаванні, якія выклікалі скандал ва ўсім свеце. У іх распавядалася, што разведслужбы ЗША могуць атрымаць доступ да сервераў вядучых камп'ютарных і інтэрнэт-кампаній, у тым ліку Google, Facebook, Apple, Yahoo. Уцечку звестак пра спецслужбы ЗША за інтэрнэт-карыстальнікамі арганізаваў 29-гадовы Эдвард Сноўдэн. Апошнія чатыры гады ён быў тэхнічным супрацоўнікам Агенцтва нацыянальнай бяспекі і працаваў з вонкавымі падрадчыкамі, у прыватнасці з Booz Allen і Dell.
