На беларускай мяжы затрымалі расійскага аўтаспыншчыка
Памежнікі затрымалі жыхара Растова-на-Доне пры спробе парушэння дзяржаўнай мяжы.
Як паведамляе БелаПАН, 27 лютага трывожная група, прыбыўшы на ўчастак верагоднага парушэння, выявіла дарожку слядоў аднаго чалавека. Сляды вялі ў бок мяжы з Польшчай. Па слядах парушальніка дзяржаўнай мяжы памежнікі пусцілі службовага сабаку.
За 150 м ад беларуска-польскай мяжы яны затрымалі 22-гадовага хлопца. Пры сабе ў яго былі асабістыя рэчы, мабільны тэлефон і ўнутраны расійскі пашпарт, які не дае права перасякаць мяжу.
У Еўропе малады чалавек планаваў падарожнічаць аўтаспынам. Яго прызналі парушальнікам дзяржаўнай мяжы і памежнага рэжыму. Расіяніну вынеслі папярэджанне з дэпартацыяй на 5 гадоў.
Фота — francenotes.ru
