На мосце ў Гродна людзі сталі ў "жывы ланцуг" супраць інтэграцыі з Расіяй
На Старым мосце ў Гродна людзі сталі ў "жывы ланцуг", перадае "Радыё Свабода". На акцыі за незалежнасць Беларусі прысутнічала некалькі дзясяткаў чалавек. Яны скандуюць "Незалежнасць" і "Жыве Беларусь".
Кіруе акцыяй сябра БНК Мікалай Салянік, прысутнічае таксама экс-кандыдат у дэпутаты Вадзім Саранчукоў і прадстаўнікі апазыцыі. Паведамляецца, што ўдзельнікі акцыі — людзі рознага ўзросту, у тым ліку моладзь і людзі з дзецьмі. Аўтамабілі, што едуць па мосце, актыўна сігналяць мітынгоўцам.
Міліцыя нагадвае прысутным пра адказнасць за ўдзел у несанкцыянаваных акцыях.
7 снежня "жывы ланцуг" расцягнуўся ўздоўж праспекта Незалежнасці ў Мінску. Такім чынам мінчукі пратэставалі супраць паглыбленай інтэграцыі Беларусі і Расіі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
