На Рыжскім саміце Усходняга партнёрства падпісалі выніковую дэкларацыю

Удзельнікі саміту "Усходняга партнёрства" ў Рызе, падпісалі выніковую дэкларацыю. У дакуменце заяўляецца падтрымка тэрытарыяльнай цэласнасці Украіны, а таксама ёсць заклік да поўнага выканання Мінскіх пагадненняў наконт Данбасу. Акрамя таго, Усходняе партнёрства заклікае тэрмінова адпусціць усіх закладнікаў і незаконна ўтрымліваных асоб ва Украіне.

Таксама ў дэкларацыі ўдзельнікі саміту заклікалі да расследавання крушэння "Боінга" ва Украіне і пакарання вінаватых.

У выніковым дакуменце саміта няма палажэння аб прадастаўленні Грузіі і Украіне бязвізавага рэжыму ў 2016 годзе.

Беларусь папрасіла далучыць да дэкларацыі спецыяльную пісьмовую заяву. Прадстаўнікі нашай краіны зазначылі, што не прымаюць "канкрэтныя параграфы, у якіх маюцца канфрантацыйныя пасылы на адрас трэціх краін".

Міністр замежных спраў Беларусі Уладзімір Макей зазначыў, што ў заключным варыянце дэкларацыі не гаворыцца пра незаконную анэксію Крыма. Там ёсць толькі заява краін Еўрасаюза, што яны не прызнаюць падзеі, звязаныя з Крымам.

Фота — МЗС Беларусі