Падчас катання дзяцей квадрацыкл ратавальнікаў наехаў на дрэва, ёсць пацярпелыя
![Падчас катання дзяцей квадрацыкл ратавальнікаў наехаў на дрэва, ёсць пацярпелыя](/sites/default/files/styles/gallery_main/public/2023-08/img_4213.jpg.webp?itok=XkEuc5sg)
Падчас катання дзяцей квадрацыкл ратавальнікаў наехаў на дрэва, ёсць пацярпелыя. Здарэнне адбылося на тэрыторыі Нацыянальнага дзіцячага адукацыйна-аздараўленчага цэнтра "Зубраня" (Мядзельскі раён). Як паведамляе БЕЛТА са спасылкай на Следчы камітэт, следчыя высвятляюць яго абставіны.
Здарэнне адбылося падчас штогадовага рэспубліканскага злёту юных ратавальнікаў-пажарных. 28 верасня было арганізавана катанне дзяцей на службовых квадрацыклах. 38-гадовы супрацоўнік МНС на снегабалотаходзе вёз на заднім сядзенні 15-гадовага хлопца. У нейкі момант мужчына не саўладаў з кіраваннем і наехаў на дрэва. І ён, і падлетак атрымалі траўмы рознай ступені цяжкасці, яны ў бальніцы.
Кіраўніцтва МНС прызначыла службовую праверку.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.