Падрыхтоўкай кінафэсту "Лістапад" сёлета зоймецца "Беларусьфільм"
Сёлета кінафестываль "Лістапад" будзе праводзіць "Беларусьфільм", а не Цэнтр візуальных мастацтваў Art Corporation. На арганізацыю плануецца выдаткаваць 550 тысяч рублёў. Тэндар праводзіўся з закупкай з адной крыніцы.
У 2020 годзе "Лістапад" быў адменены "праз неспрыяльнае эпідэміялагічнае становішча". Пры гэтым тагачасныя арганізатары "Лістапада" былі нават не ў курсе, што фэст адменены. Пра адмену яны даведаліся з ТГ-канала Міністэрства культуры і навіны на сайце дзяржаўнага інфармагенцтва БЕЛТА.
