Прадстаўлены праект Міжнароднага лінейнага калайдэра (фота, відэа)
Фізікі з многіх краін свету абмяркоўвалі яго каля 20 гадоў.
Міжнародны лінейны калайдэр — гэта нашчадак Вялікага адроннага калайдэра. Мяркуецца, што ён працягне даследаваць таямніцы матэрыі пасля таго, як ВАК вычарпае свае магчымасці.
Навукоўцы вырашылі, што новы калайдэр будзе складацца з двух лінейных (а не колцавых, як папярэднік) падземных паскаральнікаў даўжынёй каля 30 кіламетраў. Кошт праекту ацэньваецца ў амаль 8 мільярдаў долараў.
Як паведамляе РІА "Новости", разглядаецца тры магчымых месца размяшчэння Міжнароднага лінейнага калайдэра — Японія, паўночны Ілінойс у ЗША і наваколле Жэневы, дзе знаходззіцца Вялікі адронны калайдэр.
