Праект рашэння па транспартным падатку з'явіцца ў пачатку 2019 года

Праект рашэння кіраўніка дзяржавы па транспартным падатку з'явіцца ў пачатку 2019 года. Гэта вынікае з распараджэння прэм'ер-міністра Беларусі Сяргея Румаса аб стварэнні міжведамственнай працоўнай групы. Дакумент мусіць быць унесены ў Саўмін да 1 лютага наступнага года, інфармуе ўрадавая прэс-служба.

Плануецца, што дзяржпошліну на допуск да ўдзелу ў дарожным руху адвяжуць ад тэхагляду. Транспартны падатак не будуць уключаць у кошт паліва. Нядаўна Румас заявіў, што новая схема можа стартаваць з 1 ліпеня 2019-га.