Праваслаўныя гродзенцы неслі пасвяціць яйкі, булкі, садавіну і грошы (фота)
Тысячы вернікаў прыйшлі акрапіць святой вадой велікодныя стравы.
У Святую суботу праваслаўныя вернікі Гродна наведалі храмы горада дзеля абраду асвячэння традыцыйных яек і кулічоў.
Сотні чалавек прыйшлі ў Свята-Раства-Багародзіцкі жаночы манастыр. Асвяціць велікодную ежу выйшла і сама кіраўніца манастыра — ігумення Гаўрыіла. Дапамагаў ёй праваслаўны святар Аляксандр.
Акрамя традыцыйнай велікоднай выпечкі і фарбаваных яек людзі прынеслі садавіну, гародніну і нават грошы.
Велікодныя набажэнствы пройдуць у Гродне сёння ўвечары, першае пачнецца ў Храме Усячэння галавы Іаана Прадцечы ў 23.00
