Прэзідэнт УЕФА лічыць, што АБФФ "не мае ніякага дачынення да рэжыму Лукашэнкі"
Прэзідэнт УЕФА Аляксандр Чэферын лічыць, што Асацыяцыя "Беларуская федэрацыя футбола" "не мае ніякага дачынення да рэжыму Лукашэнкі". Пра гэта ён заявіў у інтэрв'ю брусельскаму выданню Politico. Пры гэтым Чэферын кажа пра "жудасную сітуацыю" ў нашай краіне. І, відаць, мае на ўвазе правы чалавека, а не беларускі футбол. Прэзідэнт УЕФА адзначыў, што яго арганізацыя працягвае сачыць за сітуацыяй у Беларусі.
Як вядома, Беларускі фонд спартыўнай салідарнасці (BSSF) збіраецца праз Спартыўны арбітражны суд у Лазане прымусіць УЕФА "выконваць палажэнні ўласнага статута" і пачаць дысцыплінарнае расследаванне ў дачыненні АБФФ.
