Расіянку, якая напісала пра Лукашэнку і "авіяпірацтва", дэпартавалі з Беларусі
Грамадзянку Расіі Ірыну Вікхольм дэпартавалі з Беларусі на радзіму. Уезд у РБ забаранілі на 10 гадоў, паведамляюць праваабаронцы. Яна цалкам адбыла свой тэрмін зняволення ў нашай краіне і выйшла на волю.
23 траўня 2021-га Вікхольм са свайго мабільнага тэлефона размясціла ў Twitter фота Аляксандра Лукашэнкі і пост пра тое, што ён здзейсніў "акт тэрарызму і авіяпірацтва". Так яна адрэагавала на прымусовую пасадку ў Нацыянальным аэрапорце "Мінск" самалёта авіякампаніі Ryanair, які ляцеў з Грэцыі ў Літву.
