Генеральны кантракт на будаўніцтва АЭС могуць падпісаць у пачатку 2012 года
Пакуль Беларусь і Расія падпісалі толькі кантрактнае пагадненне на гэты праект, але бакі рухаюцца да падпісання ўсяго пакета дакументаў.
Пра такія планы заявіў сёння прэм’ер-міністр Беларусі Міхаіл Мясніковіч на сустрэчы са сваім расійскім калегам Уладзімірам Пуціным у Санкт-Пецярбурзе, перадае БЕЛТА.
Нагадаем, што атамная электрастанцыя ў Беларусі будзе ўзводзіцца на Астравецкай пляцоўцы ў Гродзенскай вобласці. Яе маюць узвесці па расійскім праекце АЭС-2006, распрацаваным санкт-пецярбургскімі спецыялістамі. Кошт беларускай станцыі складзе каля 9,4 мільярдаў долараў.
