Зборная Беларусі па хакеі з мячом выйшла ў групу А чэмпіянату свету
У турніры групы В, які праходзіць у Казахстане, наша каманда заняла першае месца.
Беларускія спартоўцы атрымалі чатыры перамогі ў чатырох сустрэчах: над Венгрыяй — 13:5, Латвіяй — 19:3, Канадай — 6:0 і Нідэрландамі — 5:2.
У топ-дывізіёне Беларусь заменіць каманду ЗША, якая заняла апошняе месца, адзначае БелаПАН. Летась рэгламент прадугледжваў пераходны матч паміж лепшым у групе В і горшым у групе А. Амерыканцы абыгралі тады беларускіх хакеістаў — 5:2.
