Зміцер Дашкевіч застанецца ў "адзіночцы" да красавіка 2012 года
Раней палітвязню казалі, што ён будзе ў адзіночнай камеры да сярэдзіны сёлетняга снежня.
Праваабаронца Наста Лойка давелася пра гэта з ліста, які прыйшоў ад Дашкевіча з Глыбоцкай калоніі. Пра гэта яна распавяла Еўрарадыё:
Лойка: "У апошнім лісце, які прыйшоў 10 снежня, што працягнулі ўсё ж тэрмін да канца красавіка. Гэта парадавала і яго, і ўсіх нас, бо мы ведаем, што там насамрэч вельмі цяжкая сітуацыя. І ў атрадзе ў яго хутчэй за ўсё былі б вельмі вялікія праблемы".
Па словах Лойкі, Дашкевіч зрабіў сабе распарадак дня, шмат чытае: Біблію, творы Чэхава, нават зацікавіўся Каранам. Навіны даведваецца з газетаў і лістоў.
Фота: bymedia.net
