У эфіры Еўрарадыё ліквідатар Іван Віткоўскі ― відавочца аварыі на ЧАЭС

У 1986 годзе Іван Віткоўскі працаваў электрыкам на 4-м энергаблоку Чарнобыльскай АЭС. Ён быў сведкам усяго, што адбывалася на станцыі падчас выбуху. Пасля аварыі Віткоўскі некалькі месяцаў працаваў на ліквідацыі яе наступстваў. Працаваць далей не дазволілі праблемы са здароўем.

Калі супрацоўнікі Чарнобыльскай АЭС даведаліся пра выбух? Ці ўяўлялі маштабы катастрофы? Што рабілі ў першыя гадзіны пасля аварыі? Пра гэта, а таксама пра тое, як ліквідатары жывуць у сённяшняй Беларусі і якія правы ў іх засталіся, Іван Віткоўскі расказаў у жывым эфіры Еўрарадыё.