У Беларусі з'явіліся новыя 11 генералаў
Адпаведныя ўказы Аляксандр Лукашэнка падпісаў 18 лютага.
Аляксандр Лукашэнка надаў палкоўнікам Паўлу Муравейку, Ігару Дземідзенку, Вячаславу Язерскаму, Аляксандру Невяроўскаму чарговае воінскае званне генерал-маёра, інфармуе БЕЛТА.
Палкоўнікам міліцыі Віктару Дубаўцу і Віктару Сянько нададзенае чарговае спецыяльнае званне генерал-маёра міліцыі. Віктар Дубавец — намеснік міністра ўнутраных спраў — начальнік дэпартаменту фінансаў і тылу. А Віктар Сянько ўзначальвае мінскую абласную міліцыю.
Палкоўніку ўнутранай службы Аляксандру Худалееву нададзена чарговае спецыяльнае званне генерал-маёра ўнутранай службы.
Званне генерал-маёра юстыцыі атрымалі палкоўнікі юстыцыі Аляксей Волкаў, Алег Шаркоў і Максім Варонін.
Палкоўніку фінансавай міліцыі Ігару Маршалаву нададзена чарговае спецыяльнае званне генерал-маёра фінансавай міліцыі.
Персанальнае званне дзяржаўнага саветніка мытнай службы III рангу атрымаў старшыня Дзяржаўнага мытнага камітэта Юрый Сянько.
Намесніку генпракурора Аляксандру Дубаву нададзены класны чын дзяржаўнага саветніка юстыцыі 3-га класа.
Ілюстрацыйнае фота — ctv.by і БЕЛТА
