У Італіі выпаў вялізны град (фота, відэа)
У цэнтральнай Італіі ў раёне ўзбярэжжа Адрыятычнага мора выпаў град памерам з апельсін. Дзясяткі чалавек, а сярод іх і цяжарная жанчына, атрымалі траўмы галавы і звярнуліся па меддапамогу.
Адначасова ў гэтым рэгіёне ўзнікла іншая праблема — паводка, якая пачалася пасля залеваў. Вада залівае аўтамабілі на вуліцах, першыя паверхі будынкаў, у тым ліку і бальніц.
