У Канатопе вуліцу назвалі ў гонар загінулага беларускага добраахвотніка
Іван Марчук / t.me/belwarriors/
У Канатопе ў Сумскай вобласці Украіны вуліцу назвалі ў гонар загінулага ў 2022 годзе беларускага добраахвотніка Івана Марчука ("Брэст"), камандзіра батальёна "Волат" палка Каліноўскага. Як стала вядома, гарадскія ўлады прынялі рашэнне яшчэ ў красавіку 2024-га. Тады ў Канатопе перайменавалі дзясятак вуліц і завулкаў — Украіна пазбаўляецца ад назваў, якія звязаныя з савецкім мінулым. Вуліцу Каламійчэнкі перайменавалі ў вуліцу Івана Марчука.
Марчук загінуў у баях за Лісічанск. Яму было 28 гадоў.
А ў горадзе Роўна з'явіцца вуліца, названая ў гонар загінулага беларускага добраахвотніка Міраслава Лазоўскага. Яшчэ ў пачатку года пра гэта хадайнічаў полк Каліноўскага.
