У Мінску пакажуць вынаходніцтвы Леанарда да Вінчы (відэа)
Маштабная перасоўная экспазіцыя завітала ў Беларусь.
Незвычайная выстава адкрыецца ў Нацыянальным мастацкім музеі 1 сакавіка — у Мінск прыехала экспазіцыя вынаходніцтваў Леанарда да Вінчы. Наведнікі выставы змогуць пераканацца, наколькі ўніверсальнай асобай быў знакаміты італьянскі мастак эпохі Адраджэння. На экспазіцыі будуць прадстаўленыя рэчы, вырабленыя паводле чарцяжоў і запісаў вялікага італьянца.
Адметна, што дзеля ўвасаблення амаль вар’яцкіх для таго часу задумак цяпершнія італьянскія рамеснікі выкарыстоўвалі тэхніку і матэрыялы эпохі Рэнесансу.
Выставу “Вынаходніцтвы да Вінчы” ў Беларусь прывезла кампанія “Берын Арт Менэджмент”. Гэта адзіная ў свеце гэтулькі маштабная перасоўная экспазіцыя — тут ажно 200 экспанатаў
За дзевяць гадоў існавання праекту, выставу паглядзелі мільёны людзей па ўсім свеце, паведамляе БЕЛТА.
