У Мінску развіталіся з жанчынай, загінулай падчас салюту на Дзень Незалежнасці
У Мінску развіталіся з Наталляй Максімчук, жанчынай, якая загінула падчас феерверку 3 ліпеня. Апроч родных, блізкіх і калегаў на пахаванне прыйшлі прадстаўнікі Міністэрства абароны і сталічных уладаў, перадае TUT.by.
На жалобнай цырымоніі прысутнічаў кіраўнік адміністрацыі Фрунзенскага раёна Сяргей Шкруднеў, а таксама прэс-аташэ міністра абароны Наталля Гаўрусік.
Загінулай падчас святочнага салюта Наталлі Максімчук было 64 гады — асколак ад выбуху ўстаноўкі трапіў у жанчыну і перабіў ёй сонную артэрыю. Медыкі аператыўна аказалі ёй дапамогу, але траўма была несумяшчальная з жыццём.
Разам з ёй на салют хадзіла дачка, якой аказалі псіхалагічную дапамогу.
Падчас інцыдэнту яшчэ 9 чалавек атрымалі раненні. У вокназ навакольных дамоў выбуховай хваляй выбіла шкло.
Кіраўнік Мінгарвыканкама Анатоль Сівак заявіў, што сям'я загінулай атрымае кампенсацыю ў 1000 базавых велічыняў (25,5 тысяч рублёў). Выдаткі на пахаванне таксама былі пакрытыя з гарадскога бюджэту.
