У Мінску за нецвярозую язду затрымалі кіроўцу маршруткі
![Праверка дакументаў, ілюстрацыйнае фота](/sites/default/files/styles/gallery_main/public/2024-04/bus_gai_8_04.jpg.webp?itok=mAWXgqZd)
Праверка дакументаў, ілюстрацыйнае фота / sb.by
Супрацоўнікі ДАІ спынілі для праверкі дакументаў маршрутнае таксі. Кіроўца аказаўся нецвярозы. У салоне былі пасажыры. Гэта быў рэйс "Мінск-Міханавічы".
Падчас праверкі дакументаў супрацоўнік ДАІ адчуў пах, кіроўцу адвезлі на агляд. Экспертыза паказала, што ў крыві ўтрымліваецца 1,07 праміле алкаголю. Мужчына прызнаўся, што напярэдадні днём "выпіў 350 грамаў каньяку".
На 58-гадовага кіроўцу склалі адміністрацыйныя пратаколы. Мікрааўтобус затрыманы. У ГУУС адзначылі, што прававая ацэнка будзе дадзеная і дзеянням службовых асоб арганізацыі-перавозчыка.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.