У Навагрудскім і Карэліцкім раёнах праходзіць вучэнне тэрабароны з апалчэннем
Вучэнні тэрабароны / прэс-служба Мінабароны, ілюстрацыйнае фота
18 красавіка ў Навагрудскім і Карэліцкім раёне Гродзеншчыны пачынаецца вучэнне тэрытарыяльнай абароны. Яно працягнецца па 21 красавіка, паведамляе прэс-служба Мінабароны.
Кіраваць вучэннем будзе намеснік старшыні Гродзенскага аблвыканкама.
Падчас вучэння тэрытарыяльныя войскі будуць узаемадзейнічаць з міліцыяй і ратавальнікамі. Мяркуецца, што яны адпрацуюцць ахову жыццезабеспячэння насельніцтва, падтрыманне ваеннага становішча, барацьбу з дыверсійна-разведвальнымі групамі і незаконнымі ўзброенымі фарміраваннямі.
Таксама ў вучэнні прыме ўдзел атрад народнага апалчэння, створаны ў Кашалёўскім сельсавеце Навагрудскага раёна.
Раней аналагічныя вучэнні адбыліся ў Барысаўскім раёне.
