Відэа з'яўлення Уладзіміра Пуціна 16 сакавіка перад фотакамерамі
Расійскага прэзідэнта не бачылі з 6 сакавіка. З-за гэтага з'явіліся самыя разнастайныя версіі пра прычыны знікнення.
16 сакавіка ў Санкт-Пецярбургу пачалася сустрэча прэзідэнта Расіі Уладзіміра Пуціна і яго кыргызстанскага калегі Алмазбека Атамбаева. Журналісты, якія прысутнічалі ў Канстанцінаўскім палацы, змаглі пабачыць Пуціна, які не з'яўляўся на публіцы з 6 сакавіка.
Як інфармуе "Дождь", расійскі прэзідэнт коратка выказаўся пра чуткі ў справе яго здароўя: "Без плётак будзе сумна". Атамбаеў таксама не ўтрымаўся і пракаментаваў гэта: "Толькі што Уладзімір Уладзіміравіч мяне па тэрыторыі [палаца] пакатаў, сам быў за рулём, гэта каб менш было плётак... Прэзідэнт Расіі — ён не толькі ходзіць, але і ганяе, за рулём гасцей катае".
Нагадаем, чуткі пра прычыны знікнення Уладзіміра Пуціна былі самыя розныя: ад яго хваробы, нараджэння сына да дзяржаўнага перавароту ў Маскве.
Сустрэча Лукашэнкі, Назарбаева і Пуціна пройдзе 20 сакавіка ў Астане
Фота: ria.ru, Twitter
