У Празе ў суполкі “Пагоня” скралі абраз, маляваны Пушкіным
Падчас калядных святаў клубоўню беларускага грамадскага аб’яднання “Пагоня” ў Празе абрабавалі невядомыя злачынцы.
Яны разбілі шыбу і ўчынілі пагром у памяшканні, паведамляе сайт арганізацыі.
Злачынцы скралі абраз Бялыніцкай Божай Маці, якую выканаў і падараваў клубоўні беларускі мастак Алесь Пушкін. Акрамя абраза была скрадзеная ўся тэхніка і некаторыя дробныя рэчы. Усе кнігі засталіся ў памяшканні, хоць і раскіданыя.
