У Смаргонскім раёне зладзілі “трактарны біятлон”
У Смаргонскім раёне зладзілі “трактарны біятлон” — маштабнае відовішча адбылося 24 лютага на тэрыторыі пясчанага кар’ера каля горада. На пляцоўцы спаборнічалі пяць каманд, у кожнай з якіх — па тры трактары (Belarus-132H і Belarus-152).
Як паведамляе БЕЛТА, імпрэзу зладзілі дзеля падтрымкі беларускіх спартоўцаў на Алімпійскіх гульнях у Пхенчхане, прыцягнення ўвагі моладзі да зімовых відаў спорту, а таксама дзеля падвышэння інтарэсу замежных турыстаў да Беларусі.
