Улады ліквідуюць вядомы парк атракцыёнаў у Мінску

Улады ліквідуюць юрыдычную асобу мінскага парку атракцыёнаў "Дрымлэнд". Як заўважылі ў Office Life, інфармацыя пра гэта з'явілася на сайце Адзінага дзяржаўнага рэгістра.

Парк быў зарэгістраваны ў 2014 годзе. Спярша ў ім былі атракцыёны і адкрыты аквапарк.

Аднак апошнім часам у "Дрымлэнда" пачаліся праблемы. У выніку сёлета на тэрыторыі парка не адкрылася нават аквазона з басейнамі.

Прадстаўнікі ліквідатара патлумачылі журналістам, што рашэнне пра ліквідацыю прыняў уласнік, які страціў цікавасць да праекту.

На канец ліпеня кампанія не мае крэдыторскай запазычанасці. Бягучая запазычанасць складае каля 1 тысячы рублёў.