Вікторыя Азаранка выйшла ў 1/8 фіналу “Ралан Гарос”
1 чэрвеня яна атрымала валявую перамогу над францужанкай Алізэ Карнэ — 4:6, 6:3, 6:1.
Паядынак доўжыўся 2 гадзіны 22 хвіліны. Трэцяя ракетка свету перамагла, нягледзячы на адсутнасць эйсаў і дапушчаныя 10 двайных памылак.
У чацвёртым коле турніру беларуская тэнісістка згуляе з пераможцай матчу Марыён Барталі (Францыя) — Франчэска Ск’явонэ (Італія).
Летась Азаранка не здолела прабіцца ў 1/8 “Ралан Гарос”, бо саступіла Дамініке Цыбулкавай.
