Вікторыя Азаранка перамагла Каралін Вазняцкі на турніры ў Цынцынаці
Гэта быў матч другога круга. Датчанка на сённяшні дзень знаходзіцца ў рэйтынгу значна вышэй за беларуску.
Вікторыя Азаранка выйшла ў чвэрцьфінал тэніснага турніра ў Цынцынаці (ЗША; яго прызавы фонд складае 2,7 млн долараў). У другім крузе беларуска перамагла датчанку Каралін Вазняцкі — 6:0, 6:4. Паядынак працягваўся паўтары гадзіны.
Адзначым, што Вазняцкі — пятая ракетка свету, Азаранка ў рэйтынгу WTA пакуль толькі на 21-м месцы.
У 1/4 фіналу 26-гадовая Вікторыя Азаранка згуляе з расійскай тэнісісткай 24-гадовай Анастасіяй Паўлючэнкавай (34-е месца ў рэйтынгу).
Фота: БЕЛТА
