Вуліца Маркса ў Мінску дагэтуль пешаходная? (фотафакт)
Дарожныя знакі, якія забараняюць уезд і паркоўку на вуліцы, пасля летняга сезона так і не прыбралі.
Пешаходны сезон на мінскай вуліцы Карла Маркса завяршыўся яшчэ 15 верасня, але дарожныя знакі, што забараняюць уезд і паркоўку па выхадных, засталіся. Атрымліваецца, што кожныя выхадныя кіроўцы вымушаны парушаць правілы?
У мінскай ДАІ Еўрарадыё тлумачаць, што каманда зняць знакі ўжо была, але дарожна-будаўнічая арганізацыя проста не паспела гэтага зрабіць. Інспектарам далі загад не штрафаваць кіроўцаў. Але як кіроўцам пра гэта даведацца?
Фотаздымак зроблены ўвечары у суботу 19 кастрычніка на вуліцы Карла Маркса
