Яўгена Прыгожына пахавалі на Парахаўскіх могілках у Санкт-Пецярбургу
Яўгена Прыгожына пахавалі ў Санкт-Пецярбургу / Stringer / File Photo / Reuters, ілюстрацыйнае фота
Заснавальніка ПВК "Вагнер" Яўгена Прыгожына пахавалі ў Санкт-Пецярбургу на Парахаўскіх могілках, заяўляе яго прэс-служба.
"Развітанне з Яўгенам Віктаравічам адбылося ў закрытым фармаце. Ахвочыя развітацца могуць наведаць Парахаўскія могілкі", — гаворыцца ў паведамленні.
Кіраўніцтва вагнераўцаў, якое загінула ў авіякатастрофе, пахавалі 29 жніўня ў Санкт-Пецярбургу. Да апошняга моманту не паведамлялася, на якіх могілках будуць хаваць Прыгожына.
Авіякатастрофа з бізнес-джэтам Яўгена Прыгожына здарылася 23 жніўня. Пры гэтым загінулі 10 чалавек — тры чальцы экіпажу і сем пасажыраў. Экспертыза ДНК пацвердзіла, што заснавальнік ПВК "Вагнер" быў сярод загінулых.
